Borama(Hubaal) Warar kooban ayaa kasoo baxaya weerar xalay lala eegtay Ciidamada Somaliland ee ku sugan saldhig lagu magacaabo Waraqa ee Koonfurta Magaalada Borama.Rag Jabhad ah ayaa waxaa la sheegayaa in ay rasaas huwiyeen ciidamada Somaliland ee kusugan waraqa oo 20 Km ka xiga Borama koonfurta xaga xuduudka Itoobiya.
Dadka deegaankaasi ayaa Boramanews u xaqiijiyay weerarkaasi,waxayna sheegayaan in dagaal kulul oo rasaas badan laiswaydaarsaday uu 4tii saacadu saqda dhexe uu dhexmaray ciidanka Somaliland iyo rag lagu sheegay Jabhad taageersan Suldaan Wabar.
Wali lama sheegin wax khasaaro ah oo ka dhacay goobtaasi dhimasho iyo dhaawacba,balse warar aan la xaqiijin ayaa sheegayaa khasaare soo gaadhay ciidamada Somaliland si gaadmo ah loo weeraray xili ay hurdeen. Waa markii ugu horaysay ee Jabhada kasoo horjeeda qadiyada Somaliland ee taageersan midnimada Somaliya ay weerar hubaysan ku qaadaan ciidamada Somaliland ee gudaha Gobolka Awdal.weerarkaasi oo ah ku dhufo oo ka dhaqaaq.
boramanews
