Hargeysa(Hubaal)- Wasaaradda Beeraha Somaliland Dr. Maxamed Aw Daahir Ibraahim ayaa isku shaandhayn iyo magacaabis ku sameeyey Agaasime waaxeedyada Wasaaaradda Beeraha. Warsaxaafadeed uu soo saaray Afhayeenka Wasaaradda Beeraha Mudane Sacad Muuse Cabdi oo ku sabsanayd isku shaandhaynta iyo magacaabista Agaasime Waaxeedyada Wasaaradda Beeruhu ayaa waxa ay u dhignayd Sidan. 
Ujeedo: Magacaabis Iyo Iskushaandhayn Agaasimayaal
Markii ay u muuqatay Wasiirka W/Beeraha baahida in la dardargaliyo tayaynta shaqada Wasaaradda Beeraha iyo kordhinta tacabka waxsoosaarka.
Markii uu Wasiirka W/Beeruhu arkay in gabdhaha waxbartay ay ku dabranyihiin karaani ama xoghayn oo aan waafaqsanayn xuquuqda distoorka qaranku siiyey haweenka, Madaxweynaha Jamhuuriyadda Soomaalilaadna amaray in loo fuliyo, wuxu soo saaray magacaabis iyo iskushaandhaynta soo socota:-
Cabdirashiid Maxamed Axmed Waxaa loo magacaabay Agaasimaha Waaxda Bustaanada iyo Shinida Malabka
Ibraahim Carab Ceelaabe waxaa loo magacaabay Agaasimaha Waaxda Cagafyada, Gaadiidka & Horumarinta Beeraha
Maxamed Liibaan Ismaaciil waxaa loo magacaabay Agaasimaha Waaxda Dhulka iyo Biyaha
Hodan Axmed Maxamed waxaa loo magacaabay Agaasimaha Waaxda Qorshaynta & Tirokoobka
Yaasmiin Xasan Saciid waxaa loo magacaabay Agaasimaha Waaxda Shaqada iyo Shaqaalaha
Cabdirasaaq Cabdillahi Ibraahim waxaa loo magacaabay Agaasimaha Waaxda Tijaabada & Abuurbadinta
Ibraahim Cumar Kaahin waxaa loo magacaabay Agaasimaha Waaxda Mashaariicda iyo Xidhiidhka Hay’adaha
Alla Mahadleh,
Sacad Muuse Cabdi
Afhayeenka W/Beeraha
