Madaxweynaha Oo Ka Qaybgalay Munaasibad Loo Qabtay Sannad-Guurada 28-Aad Ee Kasoo Wareegtay Aas-Aaska Ciidanka Booliska Somaliland
Hargeysa (Hubaal) Waxa Maanta guud ahaan dalka Somaliland laga xusayaa sannad guuradii ciidanka Booliska ee Somaliland, xaflad ka dhacday magaalada Hargeysa oo madaxwynaha Somaliland ka qayb galay ayaa si gaar ah loogu xusay taariikhdoodii iyo dhacdooyinkii gaarka aha ee sannadkan ka dhacay guud ahaanba somaliland. Si guud ciidanka qalabka sida ee Somaliland ayaa u kala qaybsan waaxo kala duwan oo la aasaasay xilliyo kala duwan. Taliyaha ee Ciidanka Qalabka Sida ee Somaliland waa Muuse Biixi Cabdi, oo sida oo kalena ah madaxweynaha Somaliland. Waxaana u qaabilsan arrimaha ciidammada Wasiirka Gaashaandhigga oo uu hadda xilka hayo wasiir Cabdiqani Maxamuud Caateeye.
Ciidanka Booliska
Ciidankii ugu horreeyey ee Somaliland yeelato ayaa ahaa ciidanka booliska oo la aasaasay 1993. Waxaana ah taliyaha Ciidanka Booliska Somaliland Mohammed Aadan Saqadhi Dabagale
Ciidanka Booliska, ayaa ka hawl gala guud ahaan degmooyinka Somaliland ee kala ah : Gabiley, Badhan, Salal, Saraar, Oodweyne, Maroodi Jeex, Sahil, Awdal, Togdheer, Xaysimo, Sanaag, Sool and Hawd. Boolisku waxa uu u xilsaaran yahay in uu sameeyo baadhis danbiyeed, roondo, iyo maaraynta taraafikada. Waxaa kaloo jira tiro yar oo ka tirsan ciidamada ka hortagga rabshadaha iyo ciidanka danbi baadhista oo iyana si gaar ah u hawlgala. Intaa waxaa dheer, Waaxda Ilaalinta Gaarka ah ee uu Ingiriisku tababaray ee SPU kuwaas oo u xilsaaran ilaalinta madaxda gudaha iyo madaxda shisheeye. Waxaa kale oo jira unug si gaar u tababaran oo lagu magacaabo (RRU), kuwaas oo loo tababaray wax ka qabashada xaaladaha degdegga ah, oo ay ku jiraan falalka argagixisanimada, toogashada, gargaarka degdegga ah, iyo ilaalinta.
Ciidanka Millateriga
Ciidammada kala duwan ee Somaaliland waxaa ka mid ciidanka Millateriga oo u xil saaran illaalinta xudduudaha Somaliland. Ciidankan ayaa ku qalabeysan qalab ciidan oo dhammeystiran sida taangiyo, baabuurta gaashaman, noocyada PM ka, hubka fudud iyo ka culusba. Taliyaha ciidanka Millateriga Somaliland waa Nuux Ismaaciil Taanni.
Ciidanka Asluubta
Ciidanka Asluubta Somaliland, oo badanaa shaqadoodu tahay ilaalinta, dayactirka iyo joogtaynta amniga xabsiyada, ayaa iyana ah waax kale oo muhiim ah. Waxaana taliye u ah Axmed Awale Yusuf (Libaax). Waxaana la aasaasay 1998
Ciidanka Badda
Ciidanka Badda ama Ciidanka illaalada Xeebaha Somaliland ayaa ka mid ah waaxaha ciidan ee Somaliland leedahay, iyaga oo ka hawlgala xeebaha Somaliland ee Laasqoray, Saylac iyo Berbera. Ciidan ayaa 2009-kii ay ahayd xilligii ay si gaar ah u hawlgaleen, waagaas oo budhcad badeeddu ku soo badanaysay xeebaha Geeska Afrika, Waxaana ciidankaasi hoggaamiya Sareeyo Guuto Maxamed xuseen Faarax (Xiirane). Xarunta guud ee Ciidanka xeebaha Somaliland waa magaalada Berbera.
Qalabka ay haystaan
Inkasta oo ciidanka ay Somaliland haysato caqabadda xayiraadda dhanka hubka ee Soomaaliya ay saaren qaramada midoobay, haddana waxaa jiro hub siyaabo kala duwan ku soo galay oo ay ku hawlgalaan.
Waxaana ka mid ah hubkii yaallay gobollada Waqooyi, ka hor intii aysan jabhaddii SNM soo gelin aagaggaas oo xoog ku qasban hubkii kala duwan ee dawladda, kuwaas oo markii danbena la qarameeyey markii si iskood ah ay ugu dhawaaqeen goonni isu taaggii Somaliland. Waxaa kale oo jira kaalmo kooban oo dhan qalabaynta ciidanka ah oo ka soo gaadhay Midawga Yurub gaar ahaan dalka Ingiriiska, oo sida oo kalena qayb weyn ka ah tabbarka ciidammada kala duwan ee Somaliland.
Dhammaan qalabka ay isticmaalaan guutooyinkan ayaa u badan mid Ruushku sameeyay, waxaana ka mid ah gantaallada BM-21, gantaalada BGM-71 TOW, baabuurta gaashaaman ee BTR-50, taangiyada dagaalka ee T-34 iyo tiro yar oo T-55 ah. Waxaana sidoo kale ay helaan tababaro dibadeed oo kala duwan ku kala tegay qaar ka mid waddamada Yurub iyo dalka Itoobbiya.
Miisaanayadda ku baxda
Marka la eego habka loo kala qaabeeyo miisaaniyada Somaliland saddexdii meelood hal meel oo ka mid ayaa ku baxda ammaanka iyo ciidanka. Waxaana miisaanayaddani inteeda badani ku baxdaa mushahar iyo gunno.
