Hargeysa (Hubaal )Xukuumada Somaliland ayaa Markii ugu horeysay ka jawaabtay eedo uu xisbiga Waddani iyo mulkiilaha hotel Crown u jeediyeen xukuumadda taas oo ay ku eedeeyeen xukuumadda inay ka dambeysay Rabshado ka dhacay Maalintii khamiis dhalinyaro aan la garanayn cida soo abaabushay iyo meesha laga soo abaabulay ay rabshad iyo dagaal ka dhex bilaabeen Hoteelka Crown halkaas oo Xisbiga Mucaaridka ah ee Waddani uu xaflad soo dhaweyn ah ugu sameeyay taageereyaal kusoo biiray xisbigaas.
Wasiir ku-xigeenka Amniga Somaliland Cali Maxamed oo caawa shabakada Wararka ee Waayeelnews.com waraysi siiyey ayaa waxba kama jiraan ku tlmaamay hadaladaas ka soo yeedhay xisbiyada Mucaaridka iyo Waliba Mulkiilaha Hotel Crown , kuwa’as oo sheegay inay xukuumaddu masuul ka tahay rabshadihii ka dhacay Xafladaasi,wasiir ku xigeenka Amniga oo ka hadlaya Arrintaasi ayaa waxa uu yidhi “wax alaale iyo Wax ay Dawladu shaqo ku leedahay oo la xidhiidha rabshadaasi ka dhacday hotel Crown ma jirto,waana mid ka dhalatay iyaga dhexdooda ‘dadkii Xafladaas iskugu yimid, qaybta galbeedka ee Ciidanka Boolisku wuu ka howl galay rabshadii waanu Xaliyey saldhiga koodbur iyo waliba kan jigjiga yerba way usoo gurmadeen “ ayuu yidhi wasiir ku-xigeenka amniga
Dhinaca kale mar Wasiir ku xigeenka amniga wax laga waydiyey in ay jiraan dad loo qabqabtey rabshadaasi waxa u sheegay in arrintaasi ay wajidbkeedi ka guteen hayadaha ku shaqada leh ee Boolisku ”anaga no may sheegin cid ay u qabteen ,waxa kale oon leeyahay xisbiga Waddani iska hubsada dadkaad xafladdaha keenaysan sidana cod ku heli maysaane” ayuu yidhi wasiir ku-xigeenka amniga
