Wasiir Cali Marreexaan Oo Markale Weedho Duurxul Siyaasadeed Ah Ku Ganay Mucaaradka Somaliland
Hargeysa (Hubaal) Wasiir Cali Marreexaan ayaa markale weedho duurxul siyaasadeed ah ku ganay mucaaradka Somaliland. Wasiirka Wasaaradda Horumarinta Khayraadka Biyaha JSL Cali Xasan Maxamed oo kormeerayay mashruuc biyo loogu qodayo tuulada Bahadhamal oo ka tirsan deegaanka Sallaxley, ayaa maruu shalay la hadlayay dadka deegaanka waxa uu soo qaatay erayo duurxul ah “Marka qabiil qabiil dalkeenna loo eego Kalmadaha ugu badan ee idaacadaha maanta ka baxdaa waa ‘Garxajis’, Garxajis waa dad walaala ah waa reer sheikh Isaxaaq, laakiin Garxajis…….Garxajis. ninbaa wuxu igu yidhi talada waxay helaan markay Ciidagalaha iyo Habar-yoonista kala yihiin, markaasay taladu u sal dhigtaa, laakiin markay Garxajiska yihiin had iyo jeer taladu uma sal dhigto, markaa taariikhba idinkama maqna. Nin oday ah baa igu yidhi “!Ciidagalihii aan Gaaroodii ku soo gaadhay saxaabadii kamay dhacayn” ayuu yidhi Wasiirka Wasaaradda Horumarinta Khayraadka Biyaha JSL Cali Xasan Maxamed
