Mid Kamida Dhagxaanta Ay Ku Xardhantahay Aasaarta Qadiimiga Ahi Oo Weerar Burburina Lagu Qaaday
Hargaysa (Hubaal) Dhagax weyan oo caan ahaa oo ay ku xardhantahay far qoraal ah oo ay ku qoreen qoomiyadihii hore, ayaa weerar burburin ah lagu qaaday, dhagaxan ayaa ka mida Aaasaarta qadiimiga ah ee Somaliland waxanu yaal meel u dhaw kaantaroolkii galbeedka Hargaysa ee hore.
Dhagaxan ayaa waxaa weerar koox ka ganacsata dhagaxa Guryaha lagu dhiso, kadib markii ay gubeen dhagax agyaalay oo ay burburiyeen isana dhaawac u gaysteen.
Nuural Hudaa Cali Banfis oo ah Sawir qaade da’yar oo soo bandhigta goobaha taariikhiga ah ee Somaliland oo dhawaan booqatay goobta uu yaalay dhagaxaasi, ayaa baaq u dirtay Xukumada iyo Hay’addaha Caalamiga ah ee Daryeela Aasaarta Qadiimiga ah, waxanay qoraal ay soo dhigtay barteeda Facebook ku tidhi:- “Ku: Dawladda iyo dadka reer Somaliland! waxaan idinka codsanayaa inaad iigu hiilisanaa badbaadinta taariikhda iyo aasaarta Jamhuuriyadda Somaliland mid ka mid ah oo qarka u saaran in la burburo oo la waayo! . waxay ahayd bishii 10naad ee 2017 markii aan tagay dhagax ay ku xardhan yihiin qoraal ka mid ah kuwa aasaarta ah ee dadkii hore ka tageen oo ku yaal koonaha galbeed ee magaaladda Hargeysa halkii kantoraalkii hore ahaan jirey agteeda, dhagaxaas oo kuyaal meel baloodh ah oo qof shacab ahi sheeganayo lahaanshihiisa!. dhagax muddo badan baa la ogaa inuu goobta yaalo , balse hadda waxaa ku dhacday dhagaxii in nimanka dhagaxaystayaasha ahi dhagaxii kii ku xigay gubaan! oo ay ka ganacsadan , dhagax wax ku qoran yihiin oo isaga laftiisu lagaraacay qayb ka mid ah”
Nuural Hudaa ayaa waxa ay dhawaan ku dartay dhagaxan taariikhdiisa iyo Sawirkiisa Buug ay ugu magac dartay Kayad Deegaan, Buugan oo ay ku duugan tahay goobaha taariikhiga ah ee badiba Somaliland isla markaana ay ku daahfurtay Gobolada Dalka waxa aad u soo dhaweeyay Bulshada iyo Xukuumada Somaliland, iyo sidoo Hay’adaha Caalamiga ah ee Degan Somalilad.
