HALKAN KA DAAWO: Xoghayeha Guud ee WADDANI Oo Ku Dooday Niyad-sami Uu Ka Qabo In Axmed M. Seed Ka Tanaasulo Tabashadiisa
Hargeysa (Hubaal) – Xisbiga mucaaridka ah ee waddani, ayaa ka hadlay warar sheegaya in booska Axmed Muumin Seed ee Guddoomiye ku xigeenka kowad laga qaadayo, taas oo xisbigu ku tilmaamay mid aan waxba ka jirin, waxaanay sheegeen in ay wada hadal la wadaan oo ay rajo fiican ka qabaan in uu Axmed Muumin Seed ku soo laabto xisbiga. Xoghayaha Guud ee Xisbiga Mucaaridka ah ee Waddani Maxamed Cabdilaahi Uurcade oo khadka Telefoonka ugu warramay Weriye Khadar Macalin Deeq ayaa sheegay in aanay jirin xisbigana ka suurtoobayn in axmed muumin seed laga qaado Booskiisa, waxaanuu sheegay in ay meel fiican u marayaan wada hadal ay la wadaan oo ay ku doonayaan in ay ku qanciyaan tabashadiisa.
