Waxa uu Hore U Ahaa Abaanduulihii saldhiga 3aad ee ciidammada Qaranka
Sarkaalkani waxa uu Wataa Ciidamo Iyo Baabuur Hore Ceerigaabo Looga Af-duubay ayaa Xalay U Hoyday Meel 40Km Ceerigaabo Ka Xigta Bari
Ceerigaabo (Hubaal) – Abaan-duulihii Saldhiga Saddexaad ee ciidanka qaranka Somaliland Gaashaanle dhexe Gamaal Maxamed Baaxad oo uu qorshuhu ahaa in shalay lagu soo dhaweeyo Magaaladda Ceergaabo ayaa dib u dhacay. Gaashaanle Dhexe Gamaal Maxamed Baaxad ayaa lagu soo waramayaa in uu ka soo goostay kooxdii uu hogaaminayay Kornayl Caare, waxaana uu hadda ku sugan yahay meel dhinaca bari kaga beegan Ceergaabo una jirta qiyaastii 40km. Warku waxa uu intaasi ku darayaa ciidamadan uu hogaaminayo Gaashaanle Gamaal eek u sugan duleedak Ceergaabo in ay sidoo kale wataan baabuurkii Gargaarka Degdega ah ee ay hore uga afduubteen Magaaladda Ceergaabo, kaas oo ay ciidamadani soo kaxaysteen. Badhasaabka Gobolka Sanaag Maxamed Axmed Caalin (Tiimbaro) ayaa warbaahinta u sheegay in ay maanta oo khamiis ah ay filayaan in ay magaallada Ceerigaabo ku qaabilaan sarkaalkan iyo ciidammada uu wato oo ay soo dhaweyn doonaan.
